||مسلسل موسي محمد رمضان 2021|| أول مشهد في الإعلان مش صدفة 🙂
مسلسل موسى:
مسلسل دراما صعيدي احداثه بتدور في الخمسينات والستينات اثناء الاحتلال البريطاني لمصر ، وبيحكي عن رحلة صعود شخص والده متوفي من طفولته وبيتحمل مسؤولية اخواته ، وبعدها بيضطر انه يتنقل للقاهرة وبيشتغل في تصدير واستيراد حاجات من غزة لمصر والعكس وبيعجب ببنت فرنسية وتتوالى الاحداث ، المسلسل من بطولة محمد رمضان, سمية الخشاب, منذر رياحنة, عبير صبري , سيد رجب, رياض الخولي ، ومن تأليف ناصر عبد الرحمن ، واخراج محمد سلامة.
مقدرش أنكر أن البرومو بتاع مسلسل #موسي كويس وفي حاجات شدتني كتير بس برضو في حاجات
** معجبتنيش خالص زي أول مشهد في البرومو في غرور وبصراحة حتة مالهاش أي لازمة وأكيد وجودها أول مشهد في الإعلان مش صدفة 🙂
نيجي بقي للي شدني في الإعلان بالظبط هما ٥ حاجات :
1_ ان السنة دي المسلسل كلاسيك ودي حاجة جديدة .
2_ الكاست كلة ناس تخض و عتاولة في التمثيل بمعني الكلمة.
3_الحقبة الزمنية اللي أحداث المسلسل كلة بتدور فيها فترة الاحتلال الانجليزي ودي حاجة مختلفة عن كل مرة.
4_ ان المسلسل في شبة كبير جدا من الجو بتاع مسلسل ابن_حلال أول و اكتر مسلسل حقق نجاح في كل مسلسلاتة واحلي مسلسل بالنسبة لي لحد دلوقتي .
5_ ودي من الحاجات اللي متشوقلها جدا العلاقة بين الابن وامة رمضان والفنانة القديرة #عارفة_عبدالرسول واعتقد مشاهدهم هتبقي تريند فى رمضان افتكروا كلامي دة كويس .
من الحاجات اللي متخوف منها واللي هتضيع الحاجات اللي ذكرتها فوق نقع في مشكلة كل سنة زي أغلب مسلسلات محمد_رمضان
هي فخ التكرار و الافورة في الإنتقام و اتمني دة ميبقاش موجود السنة دي.
||مسلسل موسي محمد رمضان 2021|| أول مشهد في الإعلان مش صدفة 🙂
شاهد الفديو من هنا👇
https://youtu.be/YvYTt0MFQrg
تعليقات
إرسال تعليق